Aaj subah doodhwale ki muskaan dekhkar

Mai ekdamse kuch soch me padi,

Laga kitna khus hai vo apne kaam se

Aur MAI ?

Mai yaha multitask karte pareshaan thi khadi?

Aakhir usse jyada qualified hu,

Kaam ki complexity bhi MERI hi jyada hai,

Fir bhi uska chehre muskurata hua

Aur subah subah mera motivation jaise AADHA hai??

Bachpan se toh yahi suna

Ki mehnat karo degreeya lao

Warna jeevan bhar pachtaenge;

Par professionally qualified hokar bhi

Ye jo “SUKOON”  wali muskaan hai ….

Ise kya karne par payenge??

Bada hokar pata chala ki

Degreeyo ki ginti se khusiyo ki degree ka

Jaise koi vaasta hi na raha,

So were mummy papa and teachers wrong then

Jinhone sirf padhkar successful banane ko kaha??

Badi hi ajeeb si paheli me aakhir

Society ke system ne hum sabhi ko phasaya tha,

Abhi mehnat karo jeene ko zindagi padi hai

Repeatedly yahi long term memory me

Minutely jo bithaya tha…

Respect aur status toh bhai

Kuch bada achieve karnese hi milti hai,

Jo jeevan me kuch bada na kiya

Toh kisi kaam me ehmiyat kaha milti hai??

Pause and reflect karke isi par se

Jab khud ke parenting technique ko analyse kiya

Toh Galti ke samajh aate hi

Situation at hand ka maine damage control kiya…

Degreeyo ko haasil karna jitna zaruri hai

Jeevan ke STANDARD ke liye,

Life skills aur emotional balance ko paana bhi

Usse jyada important hai

Life ki FULFILMENT ke liye !

Toh jeene ka mantra apne baccho ko sikhana

Turant hi maine BANDH kiya,

Aur zindagi ke rat race ki participation se

apna NAME maine withdraw kiya.

Satisfaction aur achievement ko apne

Society ke tarazu se utaar liya

emotional balance ko chunkar

unnecessary stress se

apni life ko maine khud hi reeha kiya !

Jo baat pate ki lagi ho pyaare

toh tum bhi isko implement karo

Aakhir tum jaise duniya me EK tum hi ho bandhu

Khud ko Khud ke liye zara prioritize Karo.

– Sonali Bakshi

23/04/2023