Jo KEH paate hai

Vo keh jaate hai,

Aur jo NAHI keh paate,

Vo mann ke kisi kone me

GHUTATE reh jaate hai !

Kai bohot kuch bin soche hi

keh jaate hai,

Aur kai sab kuch samjhte hue bhi

CHUP reh jaate hai !

Kai baatein JHOOTI hote hue bhi

bada shor machaati hai,

Aur kai SACHAIYAAN bin bole,

ankhe mundh,

Kahi SO jaati hai !

Kaun samjhega, kise kahe

Kehne se WAISE bhi kya faida,

Kitne toh jazbaat

Isi uljhan ke bojh tale

DAFN ho jaate hai !

Anjaan parayo ko

apna banate banate

Kai bar apne hi

Apno ki laaparawaahi se

Duniya ke shor me

Gum ho jaate hai !

Chupchaap bin bole hi

Kahi KHO jaate hai !

– Sonali Bakshi