Kabhi kabhi mann yu bekaraar rehta hai,
Jaise kuch hone ka ise intezaar rehta hai.
Chehre par muskaan saji hone par bhi tabhi toh
aankho ka khalipan dard ka bayaan deta hai.

Sang itne saalo ko jeekar bhi mere dost
kayi bar jeevan ka yeh anjaam hota hai,
ki vo shaks jiske sang chale itne saalo se tum milkar
vahi tumhare dard se bilkul anjaan rehta hai.

Nibh toh jaati hai fir bhi sang jaise taise,
aakhir zindagi hi toh hai
umr ki hadh likhvakar yeh aayi hai,
par nibhate nibhate kisi mod par mohabbat mil hi jaati
Dil me shool sam chubhata yeh armaan rehta hai..!

Kabhi kabhi mann yu bekaraar rehta hai
jaise kuch hone ka ise intezaar rehta hai!

– Sonali Bakshi

18-02-2023