Budhape me thame haath jo hum sang muskuraaye,

Baithe ho hum sath sath

Pyari si ek photo sang khichwaye,

Jawani ki in selfiyo se bilkul alag

Jo bina filter ya edit ke hi lage manmohak,

Mere chehre par muskaan ho tumhari,

Tumhare galo me meri hasi chipaye,

Shabdo ki na zarurat ho koi

Lagaav aankho se hi hum dikhalaye,

Sang jiye is safar ko mud kar dekh jo sukhoon se

Mann hi mann tushti paaye,

Kitna sukhad anubhav hoga

Jo saalo baad shadi ki saalgira

Hum sang kuch is tarah manaye,

Sang kuch is tarah manaaye !

– Sonali Bakshi

19/04/2022