Ruke hai hum us subah k liye jo pal bhar me beeta kal le ayegi,

Mushkil din guzar jaayenge

aur purani aadatein laut aayengi !

2020 me laga 2021 sab badalega,

Par 21 toh jhatka hi de gaya

Na jaane kitne ghar roye

Kitno ka 21 kitna kuch le gaya…!

Din aakhri chand kuch bache hai,

2022 aane ko hai,

Mann me yahi ummeed thi 21 sang

yeh pandemic khatm ho jaane ko hai.

Par December aate aate omicron variant ne

dastak darwaze par hai di,

Jaane iska kya hashra hoga

Mann me chinta fir uthi.

Samajh aaya is bhole mann ko mere

ki jo beet gaya vo beet gaya,

New normal jaisa ab kuch nahi,

new normal hi kab ka normal ban chuka.

COVID, Corona mehmaan na rahe ab,

Is duniya ka hissa yu ban chuke,

Ke unke sang coexist karke jeena

Waqt agaya hum tum hi seekh le !

Anginat bar hai sun liya

ke hatho ko dhoye, mask lagaye,

social distancing ka paalan kare,

Sanitizer haatho ke liye apne

Sang har waqt jeb me zaroor rakhein,

Bar bar lockdown sehne ki shamta

hum me ab bachi nahi ,

Laparawahi me samazhdari nahi hai pyaare

Pandemic se seekh sikhaye hai zindagi !

– Sonali Bakshi

22/12/2021